BAS MÚFTI «QYLÝET» RÝHANI ORTALYǴYNYŃ QURYLYSYMEN TANYSTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysyna jumys saparymen bardy. Bas múftı eń aldymen Túrkistan qalasyndaǵy «Qylýet» rýhanı ortalyǵynyń qurylys barysymen tanysty.

Munda oblys ákiminiń orynbasary Beısenbaı Tájibaev meshit ári rýhanı ortalyqtyń qazirgi tynysyn tanystyrdy. Qurylysy 2021 jyly bastalǵan ortalyq bıyl ashylady dep josparlanýda. Beısenbaı Dáýletulynyń sózinshe, meshit janynan 400 ımamnyń bilimin jetildirýine arnalǵan oqý ortalyǵy ashylady. Sondaı-aq rýhanı ortalyqtyń tarıhyn baıandaıtyn mýzeı de josparda tur.

Erekshe dızaınmen salynyp jatqan ortalyq jumysymen tanysqan Bas múftı eń aldymen meshittiń tarıhı mánin qaıtaryp, sony aıshyqtaýymyz kerek dedi. Aıta keteıik, meshitte bir mezette 500 adam qulshylyq jasaı alady. Tarıhı nysannyń qurylysymen tanysqan soń arnaıy qurbandyq shalynyp, duǵa jasaldy.

Qylýet meshitiniń tarıhyna kelsek, nysan XIX ǵasyrdyń ekinshi jartysynda (1864-1865 jj.) salynǵan. Meshit ǵımaraty 1960 jyly buzylyp, ornyna bir kúmbezdi jańa meshit salynǵan. Onyń alǵashqy ataýy «Han» meshiti bolǵan. 1980 jyldary namaz oqıtyn jamaǵattyń kóbeıýine baılanysty 1000 adamdyq  kólemi 28×18 meshit boı kóteredi. Bul meshit Túrkistan oblys ortalyǵy bolǵanǵa deıin jamaǵatqa qyzmet etti.

​