BAS MÚFTI RESPÝBLIKALYQ KONFERENTsIIaDA BAIaNDAMA JASADY (FOTO)

Búgin Pavlodar qalasynda «Bıjan» tarıhı meshitine 100 jyl tolýyna oraı Dostyq úıinde «Din, mádenıet jáne izgi qoǵam» taqyrybynda respýblıkalyq ǵylymı konferentsııa ótti. Konferentsııa jumysyna Qazaqstan musylmandary dinı basqarmasynyń tóraǵasy Naýryzbaı qajy Taǵanuly arnaıy qatysty.

Jıynda baıandama jasaǵan Bas múftı: «Áýeli sizderdi ardaqty Paıǵambarmyz Muhammedtiń (oǵan Allanyń salaýaty men sálemi bolsyn) týǵan aıy – Máýlit merekesimen shyn júrekten quttyqtaımyn. Sonymen qatar júz jyldyq tarıhy bar «Bıjan» meshitiniń jamaǵat ıgiligine qaıta berilýimen shyn júrekten quttyqtaımyn. Rasynda shynaıy  musylmannyń  is-áreketi  men  minez-qulqy ımandylyqqa, adamgershilik prıntsıpterge negizdeledi. Alla Taǵala Quran  Kárimde «Shyn  máninde  Alla  ádiletti,  ıgilikti  jáne týystarǵa qaraılasýdy buıyryp, arsyzdyqtan, jamandyqtan jáne zorlyq-zombylyqtan tyıady» («Nahl» súresi, 90-aıat) dep adamzat balasyn izgilikke shaqyrǵan. Ardaqty Paıǵambarymyz (Allanyń oǵan salaýaty men sálemi bolsyn): «Men kórkem minezdi kemeldendirý úshin jiberildim» dep, ıslam dininiń negizgi maqsaty adamzat balasyn kórkem minez-qulyqqa tárbıeleý  ekenin baıandaǵan. Alla Taǵala barshamyzǵa izgi urpaq tárbıeleýdi násip etsin» dedi.

Konferentsııaǵa qatysqan jergilikti zııaly qaýym ókilderi men ǵalymdar baıandama jasap, izgi qoǵam qurý joldary jaıly usynys-pikirlerin bildirdi.

​