Bas múftı Serik Qırabaevtyń otbasyna kóńil aıtty

Qazaqstan musylmandary dinı basqarmasynyń tóraǵasy Naýryzbaı qajy Taǵanuly belgili ǵalym, ádebıettanýshy, synshy, UǴA akademıgi Serik Qırabaevtyń qaıtys bolýyna baılanysty marqumnyń barsha týǵan-týysyna, izin jalǵaǵan shákirtterine kóńil aıtty.

«Serik aǵamyz Spandııar Kóbeev, Júsipbek Aımaýytov, Sáken Seıfýllın, Ǵabıden Mustafın sekildi qazaqtyń irgeli qalamgerleriniń shyǵarmashylyǵyn indete zerttep, qazaq ǵylymyna mol úles qosty. Ádebıettaný ǵylymynyń jandanýy jolynda ter tógip, shákirt baýlyp, birneshe býyndy tárbıeledi.

Qazaq ádebıeti salasynda birneshe ádebı syn maqalalaryn jazyp, qanshama aqyn-jazýshynyń qarymdy qalamger bolyp qalyptasýy úshin zor eńbek sińirdi. Ádebıetshiler men qalamgerler qaýymy Serik Qırabaevtyń qazaq ádebıetine sińirgen osynsha mol eńbegin umytpaıdy dep bilemin. Ol kisiniń osynsha mol eńbegi Alla Taǵalanyń jarylqaýyna sebepshi bolsyn dep tileımiz.

Jaratqan Iemiz aǵamyzdyń otbasyna, týǵan-týystaryna kórkem sabyr násip etkeı! Alla Taǵala aldynan jarylqaǵaı! Ámın!» delingen Bas múftıdiń kóńil aıtý jedelhatynda.