BAS MÚFTI ShARIǴAT JÁNE PÁTÝA MAMANDARYMEN KEZDESTI (FOTO)
Búgin Bas múftı Naýryzbaı qajy Taǵanuly Almaty qalasyna barǵan saparynda QMDB Sharıǵat jáne pátýa bóliminiń elimiz boıynsha jaýapty mamandarymen kezdesti.
«Dinı basqarma pátýa berý salasy boıynsha Ózbekstan, Qyrǵyzstan, taǵy basqa elderdiń múftııatymen áriptestik baılanys ornatyp, nátıjeli jumys istep keledi. Aqyldasýdyń arqasynda dinı merekelerdi bir kúnde atap ótýge qol jetkizdik. Bul baǵyttaǵy mańyzdy jumystardy bıyl da tıisti deńgeıde jalǵastyrýymyz kerek. Osyǵan baılanysty elimizde «Orta Azııa Fıqh mektebiniń metodologııasy» taqyrybynda halyqaralyq konferentsııa ótkizemiz. Qazir daıyndyq jumystary júrýde.
Endi nazar aýdaratyn úlken máseleniń biri – 2024 jyldyń birinshi naýryzynan bastap elimizde saǵat aýysady. Jyl boıy qazaqstandyq ǵalymdar men túrli salalardyń sarapshylary Qazaqstan aýmaǵynda biryńǵaı ýaqyt beldeýin belgileý máselesin zerttedi. Osyǵan baılanysty Qazaqstannyń bir ýaqyt beldeýine kóshýi jóninde Úkimettiń tıisti qaýlysy shyqty.
Osyǵan oraı namaz, juma namaz ýaqyttary da ózgeretini zańdy qubylys. Bul rette halyq tarapynan kóp suraq týyndaıdy. Qazirdiń ózinde suraqtar kelip túsýde. Onyń ústine Ramazan aıy jaqyndap keledi. Biz de óz tarapymyzdan belsendilik tanytyp, suraqtarǵa der kezinde jaýap berýimiz kerek» dedi Naýryzbaı qajy Taǵanuly.
Kezdesý barysynda Bas múftı semınarǵa qatysqan din qyzmetkerlerine arnaıy sertıfıkat tabystady.
