BAS MÚFTI ShEIHÝL-ISLAM ALLAShÚKIR PAShA-ZADENI KÚTIP ALDY

Búgin elordaǵa Bas múftı Naýryzbaı qajy Taǵanulynyń shaqyrýymen Kavkaz musylmandary dinı basqarmasynyń tóraǵasy Sheıhýl-Islam Allashúkir Pasha-Zade keldi.

Qurmetti qonaqty Astana halyqaralyq áýejaıynan QMDB Tóraǵasy qazaqy dástúrge saı kútip aldy. Áýejaıda delegatsııaǵa dám usynylyp, múftıler ózara jaǵdaı surasyp pikir almasty. Óz kezeginde Naýryzbaı qajy Taǵanuly shaqyrtýyn qabyl alyp kelgen Sheıhýl-Islam Allashúkir Pasha-Zadege rızashylyǵyn bildirdi.

Aıta keteıik, búgin QMDB-nyń uıymdastyrýymen Astana qalasynda Túrki memleketteri múftıler alqasynyń V Májilisi ótedi. Alqaly jıynda birqatar qujattar qabyldanyp, Bas múftılerdiń ózara jeke kezdesýleri ótedi dep josparlanýda. Sonymen qatar, búgin «Qoja Ahmet Iasaýı jáne onyń rýhanı murasy» taqyrybynda halyqaralyq ǵylymı-teorııalyq konferentsııa ótedi.

​