BAS MÚFTI ShYMKENTTEGI JAŃA MEShITTIŃ IMAMYN TAǴAIYNDADY

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Shymkent qalasynda ashylǵan «Esjanuly Seıitjan qarı» meshitiniń ımamyn tanystyrdy.

«Sáýleti men sáni jarasqan osy rýhanı ordasyna elimizge tanymal qarı, Qazaqstan musylmandary dinı basqarmasy janyndaǵy Ǵulamalar keńesiniń beldi múshesi, dinı salada tájirıbesi mol Ersin Ámireni taǵaıyndaý týraly sheshim qabyldadym. Alla Taǵala osy meshitti jaqsylyqtyń, birlik pen berekeniń ordasy etkeı» dedi Naýryzbaı qajy Taǵanuly.

Aıta ketsek, jańa meshitte bir mezette 12 myń adam qulshylyǵyn óteı alady. Meshitte konferentsııa zaly, 600 adamǵa arnalǵan ashana, jastarǵa rýhanı bilim beretin medrese, neke qııý zaly, 736 kólik sııatyn jerasty avtokólik turaǵy bar.

​