Bas múftı stýdentterge dáris oqydy (FOTO)
Búgin Almaty qalasyna jumys saparymen barǵan Bas múftı Naýryzbaı qajy Taǵanuly Nur-Múbarak ýnıversıteti stýdentterine dáris oqydy.
Bas múftı dáriste: «Kózi ashyq azamattar jańashyl oılap, ulttyq sanany jańǵyrtýǵa, básekelik qabiletti arttyrýǵa, ulttyq biregeılikti saqtaýǵa, týǵan jerdi kórkeıtýge úles qosýy tıis. Oqý oryndarynda oqyp júrgen ul-qyzdarymyz, baýyrlarymyz el-jurtqa paıda keltiretin bilim izdense, jahannyń eń ozyq tehnologııalaryn úırense, ulttyq dástúr-saltymyzdy, ádebıetimizdi, mádenıetimizdi kókeıine toqysa – táýelsizdikke qosqan úles osy bolmaq.
Ózderińizge belgili, Memleket basshysy Qasym-Jomart Toqaev bıylǵy Joldaýynda: «Búgingi muǵalimder shákirtiniń boıyna jańa bilim sińire alatyndaı naǵyz aǵartýshy bolýǵa tıis. Óıtkeni balalardy erte jastan mamandyqqa beıimdeý aıryqsha mańyzǵa ıe bolýda. Óskeleń urpaq óziniń bolashaq kásibin sanaly túrde tańdaı bilýge tıis» ekenin aıryqsha atap ótti.
Kez kelgen memlekettiń basty baılyǵy – adam kapıtaly. Al adamnyń densaýlyǵy men bilimi – memlekettiń damýyna áser etetin negizgi faktor. Halyqtyń jalpy saýatyn kóterip, jastardy bilimmen qarýlandyrý – barshamyzdyń ortaq boryshymyz» dedi.
