BAS MÚFTI SÝ TASQYNYNAN ZARDAP ShEKKEN JERLESTERIMIZGE DUǴA JASADY

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan saparynda Ortalyq meshitte Quran hatym duǵasyn jasady.

Bas múftı qazaq dalasynan shyqqan ǵulama-ǵalymdar, ahýn-ıshandar, áýlıeler, alash qaıratkerleri men el úshin eńbek etken kúlli babalar rýhyna qasıetti Quran aıattaryn baǵyshtady.

«Ýa, Alla Taǵala! Osy oqylǵan qasıetti Quran aıattarynyń nurymen halqymyzdy, elimizdi, jerimizdi nurǵa bóleı gór. Halqymyzdy tabıǵı apattardan, zilzaladan, topan sýdan, órtten, keselden, túrli indetterden aman saqtaı gór! Almaty qalasyn, búkil qazaq dalasyn jer silkinisinen saqtaı gór. Jer betin búlik pen apattan aman etkeısiń.

Ýa, Alla! Batys Qazaqstan, Qostanaı, Abaı oblystarynda tasqyn sýdan japa shekken jerlesterimizge Óziń jar bolǵaısyń. Olardyń basyna kelgen synaqtyń sońyn qaıyrly ete gór. Jerimizdi tasqyn sýdan saqtaı gór» dep duǵa etti Bas múftı.

​