BAS MÚFTI TÚRKIIa MEN SIRIIa HALQY ÚShIN ARNAIY DUǴA JASADY (FOTO)

Indonezııanyń Sýrabaıa qalasynda ótken «Islam fıqhy jahandyq órkenıet úshin» birinshi halyqaralyq konferentsııasynda Túrkııa men Sırııadaǵy zilzaladan qaıtys bolǵandardyń rýhyna jáne álemdegi beıbitshilik pen tynyshtyq úshin bir mezette 300-den asa ǵalym men din qaıratkeri duǵa jasady.

Sondaı-aq Bas múftı Naýryzbaı qajy Taǵanuly Dinı basqarma ujymymen birge Sýrabaıa qalasyndaǵy záýlim meshitterdiń biri «Masjid Nasional Al Akbar»-ǵa zııarat etip, Alla Taǵaladan Túrkııa men Sırııa jurtynyń amandyǵy úshin arnaıy duǵa tiledi.

«Ýa, Rabbym, álem halqyna amandyǵyńdy ber, musylmandarǵa tynyshtyq, berekeńdi ber. Túrkııa halqy men Sırııa jurtyna óziń jar bola kór. Qıyndyqta qalǵan baýyrlarymyzdy óziń qutqar, Rabbym! Qazaq halqyna da tynyshtyq, bereke násip et» dep duǵa jasady Bas múftı.

​