BAS MÚFTI TÚRKIIaNYŃ MÁJILIS SPIKERINE BAS MEShITTI TANYSTYRDY (FOTO)

20 mamyr 2024 388 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astana qalasyndaǵy Bas meshitte elimizge memlekettik saparmen kelgen Túrkııa Respýblıkasy Ulttyq Májilisiniń spıkeri Nýman Kýrtýlmýshpen kezdesip, qulshylyq ordasynyń jumysyn tanystyrdy.

Záýlim meshitti zııarat etip kelgen Nýman Kýrtýlmýsh myrzaǵa Bas múftı biregeı ǵımarattyń ózge qulshylyq úılerden ereksheligi jaıly áńgimelep berdi. Sonymen qatar din men dástúr sabaqtastyǵyn dáripteý, jamaǵattyń rýhanı suranysyn qanaǵattandyrý, Islam dinin zamanaýı tásilmen nasıhattaý, jamaǵatqa halqymyzdyń ulttyq qundylyqtaryn dáripteý baǵytynda atqarylyp jatqan jumystar jaıly sóz etti.

Budan keıin QMDB Tóraǵasy men Nýman Kýrtýlmýsh myrza Bas meshittegi murajaıdy aralady. Bas múftı qazaq topyraǵynda boı kótergen tarıhı meshitter jaıly málimet berdi. Mártebeli meıman meshittiń týrıstik munarasyna kóterilip, bıikten qalanyń tynys-tirshiligin tamashalady.

Pіkіrler Kіrý