Bas múftı jańa meshittiń ashylýyna qatysty (FOTO)
QMDB Tóraǵasy, Bas múftı Naýryzbaı qajy Taǵanuly Túrkistan oblysyna qarasty Keles aýdanynda jańadan salynǵan ortalyq meshittiń ashylýyna qatysty.
Demeýshilerge rızashylyǵyn bildirip, aýdan halqyn quttyqtaǵan Bas múftı:
«Allaǵa shúkir, elimiz boıynsha Túrkistan oblysy meshit sany jaǵynan eń birinshi orynda turǵan aımaq. Oblysta myńǵa jýyq meshit bar. Halqymyzda: «Azany bar aýyl azbaıdy», – degen naqyl bar. Meshit – barsha jaqsylyqtyń toǵysqan qutty mekeni. Meshit – Allanyń úıi. Bul qulshylyqtyń ǵana ordasy bolyp qalmaı, rýhanı hám mádenı-aǵartý, birlik pen berekeniń oshaǵyna aınalady degen senimdemin. Jańa meshit, sonymen qatar, salt-dástúrimizdiń, taǵylymǵa toly tarıhymyzdyń nasıhatshysy, ári qaıyrymdylyqtyń ortalyǵy bolady» dedi.
Aıta keteıik, meshit qurylysyna Satybaldıevter otbasy demeýshilik jasady jáne qulshylyq ordasyna Satybaldy Imanberdiulynyń esimi berildi.
Qos munaraly meshittiń bıiktigi – 38 metr, syıymdylyǵy – 3000-4000 adam. Eki namazhanasy, ımamdardyń qyzmet bólmesi, erler men áıelderge arnalǵan bólek-bólek dárethana, dúken men ashanasy da bar. Jalpy aýmaǵy – 1728 sharshy metr, avtoturaǵy – 800 sharshy metr.