Baýyrlas elderdiń bas múftıleri bas qosty (FOTO)

Elordada Bas múftı Naýryzbaı qajy Taǵanuly Ózbekstan musylmandary dinı basqarmasynyń tóraǵasy Nýrıddın Holıknazarovpen kezdesti.

Kezdesýde baýyrlas elderdiń dinı saladaǵy baılanysyn arttyrý, ortaq pátýalar qabyldaý, dinı merekelerdi birge atap ótý boıynsha kelissózder júrgizildi. Basqosý barysynda taraptar ortaq jobalardy júzege asyrýǵa ýaǵdalasty.

Bas múftı Naýryzbaı qajy Taǵanuly Ózbekstan musylmandary dinı basqarmasynyń tóraǵasy Nýrıddın Holıknazarovty jańa qyzmetimen taǵy quttyqtap, izgi nıetin jetkizdi. Óz kezeginde mártebeli meıman alǵashqy is-saparyn arnaıy Qazaqstan elinen bastaǵanyn atap ótti.

«Shaqyrtýymdy qabyl alyp, konferentsııa jumysyna qatysyp, mazmundy baıandama jasaǵanyńyz úshin aıryqsha alǵysymdy bildiremin. Alla Taǵala baýyrlas elderdiń táýelsizdigin baıandy etkeı!» – dedi Naýryzbaı qajy Taǵanuly.

Aıta keteıik, keshe elordada Qazaqstan musylmandary dinı basqarmasynyń uıymdastyrýymen «Táýelsiz Qazaqstan jáne Islam qundylyqtary» taqyrybynda halyqaralyq ǵylymı-tájirıbelik konferentsııa ótti.