BEIBARYS SULTANNYŃ 800 JYLDYǴYNA ORAI BAIQAÝ JARIIaLANDY

01 aqpan 2023 1981 0
Оqý rejımi

Bıyl Deshti Qypshaq dalasynyń dańqty perzenti, Uly dalanyń barysy, Mámlúkter memleketiniń negizin qalaǵan Beıbarys sultannyń 800 jyldyq mereıtoıy ótedi. Osyǵan oraı Dinı basqarmanyń tól basylymdary «Munara» gazeti men «Iman» jýrnaly avtorlar men oqyrmandar arasynda «ULY DALANYŃ BARYSY – BEIBARYS SULTAN» respýblıkalyq shyǵarmashylyq baıqaýyn jarııalaıdy.

Baıqaýdyń maqsaty: 

  • Qazaq topyraǵynan túlep ushyp Mámlúkter memleketiniń negizin qalaǵan Beıbarys sultannyń Islam dini men álem tarıhynda qaldyrǵan eren eńbegin, Mámlúkter memleketin basqarǵan basqa da qypshaq sultandarynyń óshpes izin kópshilikke nasıhattaý.
  • Beıbarys bastaǵan qypshaq sultandary jaıly tarıhı, taǵylymdyq, tanymdyq maqalalar jazý arqyly gazet-jýrnaldar oqyrmandaryna oı salý.

Baıqaýdyń mindeti: 

  • Basylymdardyń oqyrmandaryn yntalandyrý, shyǵarmashylyq izdenisin, qulshynysyn arttyrý, babalar erligin oqyrmandarǵa sezindirý.

Baıqaý sharttary: 

  • Baıqaýǵa Beıbarys sultan jáne basqa da Mámlúk memleketin úsh ǵasyr boıy bılegen qypshaq sultandary (Qalaýyn, Qaıtpaı, Barquq, Barysbaı, Qansuq, Tumanbaı t.b) jaıly jazylǵan tarıhı, tanymdyq, taǵylymdyq maqalalar (Esse, zertteý t.b) qabyldanady (óleńder qabyldanbaıdy). Sondaı-aq baıqaýǵa Mámlúk sultandyǵy men Altyn orda handyǵy arasyndaǵy dinı, dıplomatııalyq baılanystar (Beıbarys pen Berke t.b) jaıly jazylǵan maqalalardy da joldaýǵa bolady.
  • Shyǵarmashylyq jumystar Microsoft Word túrinde joldanýy qajet. Maqala kólemi 14 shrıftpen, 1,0 ıntervalmen jazylýy jáne 5 betten aspaýy tıis.
  • Bir qatysýshy bir ǵana materıal jibere alady. Shyǵarmalar qazaq tilinde qabyldanady. Baıqaýǵa qatysýshylardyń jasyna shekteý qoıylmaıdy.
  • Báıgege qatysýshylar jumystaryna tolyq aty-jónin, telefon nómirin, meken-jaıyn jáne ózderi týraly qysqasha málimet qosyp, iman@muftyat.kz Elektrondy poshtasyna joldaýy qajet.

Baıqaý talaptary: 

  • Maqalalar «Uly dalanyń barysy – Beıbarys sultan» degen belgimen qabyldanady. Baıqaýǵa qatysýshy «Munara» gazetine nemese «Iman» jýrnalyna jazylǵan bolýy mindetti (túbirtegin birge joldaý qajet).
  • Shyǵarmashylyq jumystardy qabyldaý 2023 jyldyń 10 aqpanynda bastalyp 2023 jyldyń 10 qyrkúıeginde (Astana ýaqyty boıynsha saǵat 00-de) aıaqtalady.
  • Joǵaryda kórsetilgen taqyryptarǵa qatysy joq, elimizdi, tilimizdi, dinimizdi mansuqtaıtyn materıaldar qabyldanbaıdy. Shyǵarmalardyń tyń, mazmundy, sapaly bolýyna asa mán beriledi.

Baıqaý barysy: 

  • Baıqaý jeńimpazdaryn kásibı jýrnalısterden jáne din mamandarynan quralǵan qazylar alqasy anyqtaıdy.
  • Jeńimpazdar Máýlit keshinde (naqty ýaqyty qosymsha habarlanady) marapattalady.
  • Jeńimpaz avtorlardyń shyǵarmalary «Munara» gazeti men «Iman» jýrnalynda jarııalanady.

Júlde qory: 

Birinshi oryn – Umra qajylyǵyna joldama

Ekinshi oryn – 200 myń teńge (ekeý)

Úshinshi oryn – 150 myń teńge (ekeý)

Budan bólek 5 adamǵa yntalandyrý syılyǵy (70 myń teńgeden) beriledi.

Uıymdastyrýshylar: 

Qazaqstan musylmandary dinı basqarmasynyń «Munara» gazeti men «Iman» jýrnaly 

Redaktsııanyń meken-jaıy:

Astana qalasy, Qarasaz kóshesi, 3.

Pіkіrler Kіrý