«Bir mezette – bir nıet» sharasy uıymdastyryldy (FOTO)

Qazaqstan musylmandary dinı basqarmasy Mekke shaharynda dəstúrli “Bir mezette - bir nıet” duǵa aıtý sharasyn ótkizdi. Arapat aımaǵynda ótken sharaǵa 200-ge jýyq qajy qatysty.

Naıb múftı, Qajylyq mıssııasynyń tóraǵasy Alaý Ádilbaev bastaǵan din qyzmetkerleri elimizdiń ıgiligi, halqymyzdyń amandyǵy men tynyshtyǵy úshin, sonymen qatar urpaǵymyzdyń ımandy, ıbaly bolýyn surap, duǵa jasady. Sonymen qatar QMDB tóraǵasy, Bas múftı Serikbaı qajy Orazdyń kele jatqan Qurban Aıt merekesimen quttyqtaýyn jetkizdi. Al QMDB Sharıǵat jáne pátýa bóliminiń meńgerýshisi Sansyzbaı Qurbanuly, tanymal ýaǵyzshy Ábdiǵappar Smanov, Qabylbek Álipbaıuly eldiń amandyǵy men birligi, jas urpaqtyń ıman jolyna túsýin tiledi.

Belgili ustaz Sansyzbaı Qurbanulynyń tebirenispen jasaǵan duǵasynan bir top qajy kózine jas aldy.

"Ýa, Jaratqan Iem, bizdiń janymyz ben tánimizdi jamandyqtan saqta! Qazaq halqynyń, kúlli musylman úmbetiniń eki dúnıede abyroıyn arttyryp, mereıin ústem etkeısiń. Arafatta qol jaıǵan quldaryńnyń tilegin qabyl etkeısiń", - dep jalbaryndy.

Shara sońynda Quran oqylyp, qasıetti aıattardyń saýaby marqumdarǵa baǵyshtaldy. Qajylyqtyń negizgi sharttarynyń birinen bolǵan arafatta turý paryzyn óteýshilerge násip boldy. Osylaısha bir mezette barsha jan duǵa jasady. Arafatta turý ýaqyty aqsham namazyna deıin jalǵasady.