Bıylǵy qajylyqqa qatysty málimetter jarııalandy

Saýd Arabııasy koroldiginiń Qajylyq jáne ýmra mınıstri Mýhammad Saleh Bentenniń málimdeýinshe, bıylǵy qajylyq maýsymynda kelýshiler arasynan COVID-19 vırýsyn juqtyrǵandar tirkelmegen. Bul jaıynda Qajylyq mınıstri Mekke qalasynyń gýbernatory, hanzada Haled ál-Feısalmen kezdesý barysynda málim etti.

Aıta keteıik, Saýd Arabııasy pandemııaǵa baılanysty naýryz aıynda kishi qajylyqty toqtatyp, shilde aıyndaǵy qajylyq maýsymynda 1 000 janǵa ǵana ruqsat bergen bolatyn.

Degenmen, qyrkúıek aıynyń 22-juldyzynda Er-Rııad bıligi kishi qajylyq saparyn tórt kezeń boıynsha birte-birte jandandyra túsetinin jarııalaǵan bolatyn. Osyǵan qatysty málimetterge súıensek, birinshi kezeń 14 kúnge sozylyp, nátıjesinde 84 000 jan kishi qajylyq ótegen. Al, ekinshi kezeń boıynsha 210 000 janǵa qasıetti Qaǵbany kórý baqyty buıyrǵan eken.

Qarasha aıynda bastalǵan úshinshi kezeń jumystary aıasynda koroldik turǵyndarymen qosa, sheteldik musylmandarǵa da kishi qajylyq jasaýǵa ruqsat etilgen.