DAISh kósemi ulynyń kózi joıyldy

Sırııada Reseı áýe-ǵarysh kúshteriniń áýe soqqylary nátıjesinde DAISh halyqaralyq terrorıstik uıymynyń kósemi Ábý Bákir ál-Baǵdadıdiń tórt ulynyń kishisi óltirildi,-dep habarlaıdy Al Arabiya.

Áskerı operatsııa 22 qyrkúıek kúni júrgizilgen. Degenmen, bul aqparatqa qatysty RF Qorǵanys mınıstrligi eshqandaı pikir jarııalamady.

Eske sala ketsek, shilde aıynyń basynda Ábý Bákir ál-Baǵdadıdiń úlken uly Hýdaıfa ál-Badrıdiń kózi joıylǵany týraly habarlanǵan edi. Al, DAISh kóseminiń ózi qaıda ekeni, óli ne tirisi ázirge belgisiz.

Keıbir Taıaý Shyǵys aqparat kózderiniń habarlaýynsha, Ábý Bákir ál-Baǵdadı DAISh uıymyn baqylaýdan shettegen. Kelesi bir nusqa boıynsha nómiri birinshi terrorıst aýyr dertke shaldyǵyp, hal ústinde jatqan bolýy múmkin.