Densaýlyq saqtaý mınıstri ramazan aıynyń bastalýymen quttyqtady

Densaýlyq saqtaý mınıstri Alekseı Tsoı qasıetti Ramazan aıynyń bastalýymen quttyqtady.

Mınıstr «Otbasylaryńyzǵa densaýlyq, bereke jáne kelisim tileımin. Júrekterińiz nurǵa, meıirimdilikke, jaqsylyqqa úmitpen qaraýǵa tolsyn, al ıgi oılaryńyz ben isterińiz myń ese ótelsin. Aldaǵy musylman oraza kúnderi rýhanı tazarýǵa, senim men ómirdiń shynaıy qundylyqtaryn túsinýge arnalǵan» deı kele, dárigerlerdiń usynystaryn oryndaýǵa shaqyrdy. Ásirese sozylmaly aýrýlary bar, ımmýnıteti álsiz, qart adamdarǵa kez-kelgen asqynýlardyń aldyn alý úshin abaı bolý kerek kerek ekenin eske saldy.

«Densaýlyǵynyń nasharlaýyna qatysty kishkene shaǵymdar bolǵan kezde, orazany toqtatyp, medıtsınalyq kómekke júgingen jón. Deneni qatty sýsyzdanýǵa ushyratpaý jáne teńgerimdi dıeta ustanýǵa tyrysý mańyzdy» dedi Alekseı Tsoı.

Sondaı-aq mınıstr vaktsınatsııa oraza ustaýǵa qarsy emes jáne ony buzbaıtynyn da atap ótti. «Ekinshi jyly búkil álemdegi musylmandar qasıetti aıdy pandemııa jaǵdaıynda ótkizedi. Birlesken Juma namazdary alynyp tastaldy, aýyzashar ótkizýge shekteý qoıyldy. Biz osy synaqtardan túsinistikpen jáne shydamdylyqpen ótetinimizge jáne týystarymyz ben jaqyndarymyzdyń densaýlyǵyn saqtaý úshin barlyq qajetti erejelerdi ustanatynymyzǵa senimdimin. Nıetterińiz qabyl bolsyn!» dedi ol.