«DIN MEN DÁSTÚR» RESPÝBLIKALYQ JYR MÚShÁIRASY JARIIaLANDY

Qazaqstan musylmandary dinı basqarmasy asyl dinimiz ben ulttyq salt-sanamyzdy ushtastyrǵan kórkem shyǵarmalardyń ozyq úlgilerin dáripteý maqsatynda «DIN MEN DÁSTÚR» respýblıkalyq jyr músháırasyn jarııalaıdy.

Músháıranyń maqsaty:  

• San ǵasyrlyq tarıhymyzdaǵy dástúrli dinniń ornyn aıshyqtaý;
• Islam qundylyqtaryn, asyl dinimiz ben ata saltymyzdy halyqqa nasıhattaý;
• QMDB-nyń bıylǵy bes jumys baǵytynyń biri «Din men dástúr» baǵytyn jandandyrý;
• Aqyndardyń shabytyn shyńdap, shyǵarmashylyq izdenisine jol ashyp, jańa jyrlardyń jazylýyna qoldaý bildirý;

Músháıra sharttary: 

• Músháıraǵa 2 óleń usynylady. Óleńder tómendegi taqyryptar aıasynda jazylýy kerek:
• «Din men dástúr» (asyl dinimiz ben ulttyq salt-sanamyzdyń ushtasqanyn jyr joldarymen jetkizý t.b);
• «Sońǵy paıǵambar» (Alla elshisine (oǵan Allanyń salaýaty men sálemi bolsyn) jyr arnaý);
• «Bes paryz – dinimizdiń dińgegi» (Islam dini musylmandarǵa mindettegen amaldar (ıman, namaz, oraza, qajylyq, zeket) jaıly óleńder);
• «Tarıh pen tulǵa» (qazaq topyraǵynan shyqqan din ǵalymdary (Iasaýı, Syǵanaqı t.b) men ult qaıratkerlerine (Beıbarys sultan, Abaı hákim t.b) arnaý shyǵarý);
• Erkin taqyrypta jazylǵan óleńder.

Músháıranyń talaptary: 

•  Óleńder «Din men dástúr» jyr músháırasyna degen belgimen qabyldanady;
• Músháıraǵa qatysýshylar ishine ózderi jaıly málimet (aty-jóni, telefon nómiri, meken-jaıy) qosyp, óleńderin iman@muftyat.kz Elektrondy poshtasyna joldaýy qajet.
• Músháıraǵa qatysýshylardyń jasyna shekteý qoıylmaıdy, óleńder qazaq tilinde qabyldanady.
• Músháıraǵa buryn esh jerde jarııalanbaǵan óleńder qabyldanady;
• Óleńder Microsoft Word formaty túrinde (14 shrıft, 1,0 ınterval, Times New Roman qarpi) jiberiledi.
• Óleńderdi qabyldaý 2023 jyldyń 1 sáýirinde bastalyp 2023 jyldyń 10 tamyzynda aıaqtalady. 

Músháıra barysy:  

• Músháıra jeńimpazdaryn elge belgili aqyndar men din mamandarynan quralǵan qazylar alqasy anyqtaıdy.
• Jeńimpazdar Máýlit keshinde(naqty ýaqyty qosymsha habarlanady) marapattalady.
• Jeńimpaz avtorlardyń shyǵarmalary respýblıkalyq «Munara» gazeti men muftyat.kz saıtynda jarııalanady.

Júlde qory: 

Birinshi oryn – Umra qajylyǵyna joldama

Ekinshi oryn – 200 myń teńge (ekeý)

Úshinshi oryn – 150 myń teńge (ekeý)

Budan bólek 5 adamǵa yntalandyrý syılyǵy (70 myń teńgeden) beriledi.

Uıymdastyrýshy: Qazaqstan musylmandary dinı basqarmasy

Aqparattyq qoldaýshy: «Munara» gazeti men «Iman» jýrnaly  

Qosymsha aqparat úshin: +7(777) 203-96-65 (whatsapp)