DIN QYZMETKERLERI HALYQARALYQ SESSIIaǴA QATYSTY (FOTO)
QMDB Meshit isteri bóliminiń meńgerýshisi Marat Jappasbaev pen Jambyl oblysy Baızaq aýdanynyń bas ımamy Qanat Jumaǵul Iordanııa Hashımıt Koroldiginde ótken «Amman joldaýlarynyń» mazmunyn túsindirý jónindegi 45-halyqaralyq sessııasyna qatysty.
Korol Abdalla II atyndaǵy Ýaǵyzshylardy daıarlaý, biliktiligin arttyrý jáne qaıta daıarlaý ınstıtýtynda ótken sessııany osy eldiń Ýaqyptar jáne ıslam isteri mınıstligi uıymdastyrdy. Halyqaralyq sessııaǵa 27 musylman memleketinen delegattar shaqyrylsa, ashylýyna Iordanııa múftıi qatysyp, kelýshilerge iltıpatyn bildirdi.
Bir aptaǵa sozylǵan is-sharanyń aıaqtalý rásiminde Iordanııa Koroldiginiń Ýaqyp jáne ıslam isteri mınıstri Mýhammad Ahmad Mýsallam ál-Halaılá sessııaǵa qatysqan din qyzmetkerlerine arnaıy sertıfıkat tabystap, barshasyna alǵys bildirdi.
