Dinı basqarmada kadrlyq aýys-túıister boldy (FOTO)
Elordada QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen Ortalyq Apparat jınalysy ótti. Jıynda kadrlyq aýys-túıister bolǵany habarlanyp, bólim basshylary jańa qyzmetke taǵaıyndaldy.
Aldymen Bas múftı Dinı basqarmaǵa qarasty «Dinı saraptama» bóliminiń qurylǵanyn málimdep, oǵan bilikti teolog-ıslamtanýshy, buǵan deıin «Nur Astana» meshitinde naıb ımam qyzmetin atqarǵan Nurlan Qaıyrbekovti taǵaıyndady. Al 2020 jyldyń aqpan aıynda Bas múftı bastamasymen jańadan qurylǵan Aqparat jáne qoǵammen baılanys bóliminiń meńgerýshisi qyzmetin atqarǵan Marat Bektazınov QMDB Tóraǵasynyń buıryǵymen «Protokol» bólimi meńgerýshisiniń ýaqytsha mindetin atqarýshy bolyp taǵaıyndaldy.
Sondaı-aq Bas múftıdiń buıryǵymen Dinı basqarmanyń Baspasóz hatshysy Aǵabek Qonarbaıuly Aqparat jáne qoǵammen baılanys bólimi meńgerýshisiniń ýaqytsha mindetin atqarýshy bolyp taǵaıyndaldy.
«Sizderdiń árqaısylaryńyz óz salalaryńyzda bilikti maman ekendikterińizdi kórsetip, jemisti eńbek etip kelesizder. Jańa qyzmetterińizde de asyl dinimizdiń órkenedýine atsalysyp, saýapty hám jaýapty iste belsendilik tanytatyndaryńyzǵa senim bildiremin. Alla jar bolsyn, isterińizge bereke bersin» – dedi Bas múftı.
Nurlan Evfratuly Qaıyrbekov 1976 jyly 3 aqpanda dúnıege kelgen
Bilimi:
2000-2004 jj. «Nur-Múbarak» Egıpet Islam mádenıeti ýnıversıtetin «Islamtaný» mamandyǵy boıynsha bitirgen;
2005-2007 jj. QR Prezıdenti janyndaǵy Memlekettik basqarý Akademııasyn «Halyqaralyq qatynastar» mamandyǵy boıynsha támamdaǵan;
Biliktilik jáne akademııalyq deńgeıi: Halyqaralyq (konfessııaaralyq) qatynastar magıstri;
2013-2017 jj. «Nur-Múbarak» Egıpet Islam mádenıeti ýnıversıtetiniń doktorantýrasyn «Dintaný» mamandyǵy boıynsha bitirgen. Akademııalyq deńgeıi: PhD doktory.
2017 jyly Kaırdegi «ál-Azhar» ýnıversıtetiniń ıslam ortalyǵynda arab tilin men sharıǵat ilimi boıynsha bir jyldyq kýrstan ótken.
2018 jyly Mekkedegi «Ýmma Kýra» halyqaralyq ýnıversıtetinde bilim alǵan jáne is-tájirıbeden ótken.
2018 jyly Stambýldyń «Aıdyn» halyqaralyq ýnıversıtetinde bilim alǵan jáne is-tájirıbeden ótken.
2019 jyly Qazaqn qalasynyń Federaldy ýnıversıtetinde bilim alǵan jáne is-tájirıbeden ótken.
Eńbek joly:
2007-2008 jj. QR SIM konsýldyq qyzmeti Departamenti;
2008-2013 jj. Pavlodar oblystyq «Máshhúr Júsip» meshitinde naıb ımam;
2017-2019 jj. Pavlodar qalalyq «Aqmeshit» meshitinde bas ımam;
2017-2019 jj. Pavlodardaǵy S.Toraıǵyrov atyndaǵy memlekettik ýnıversıtetinde aǵa oqytýshy (dintaný boıynsha)g.
2019-2021 jyldary Nur-Sultan qalasyndaǵy «Nur-Astana» meshitiniń naıb ımamy jáne L.N.Gýmılev atyndaǵy EUÝ «Dintaný» kafedrasynyń dotsenti, PhD-dintanýshy.
2021 jyldyń 20 qyrkúıeginen bastap Bas múftı buıryǵymen QMDB Dinı saraptama bóliminiń meńgerýshisi qyzmetine taǵaıyndaldy.
Marat Dálelhanuly Bektazınov 1982 jyly Shyǵys Qazaqstan oblysy Aıagóz qalasynda dúnıege kelgen.
Bilimi:
Almaty qalasyndaǵy «Taıba» qazaq-arab kolledji
«Nur Múbárak» Egıpet Islam mádenıeti ýnıversıteti.
Eńbek joly:
2000-2003 jyldary Aıagóz qalalyq qazaq lıtseıiniń arab tili jáne din tarıhy pánderiniń oqytýshysy;
2003-2005 jyldary Aıagóz qalalyq ortalyq meshitiniń ustazy;
2006-2009 jyldary Almaty oblysy, Qapshaǵaı qalasyndaǵy №1 «Káýsar» ınternaty dırektorynyń orynbasary;
2009-2011 jyldary Qaraǵandy oblystyq Ortalyq meshitiniń ustazy;
2009-2011 jyldary Qaraǵandy oblystyq «5 kanal» telearnasyndaǵy «Islam: saýaldar men jaýaptar» baǵdarlamasynyń dinı redaktory jáne júrgizýshisi;
2011-2013 jyldary qajylyq kompanııasynyń menedjeri;
2013 jyldyń sáýir-qyrkúıek aılary QMDB-nyń Ýaǵyz-nasıhat bóliminiń mamany;
2013-2016 jyldary «Nur Astana» ortalyq meshitiniń ustazy;
2014-2016 jyldary «Astana medresesi» dırektorynyń birinshi orynbasary;
2016-2018 jyldary «Nur Astana» ortalyq meshitiniń naıb ımamy;
2018-2019 jyldary Astana qalasy ákimdigi Din problemalaryn zertteý ortalyǵy basshysynyń orynbasary;
2019 jyldyń mamyr aıynan bastap respýblıkalyq «Áziret Sultan» meshitiniń birinshi naıb ımamy qyzmetin atqardy;
2020 jyldyń 21 aqpanynan 2021 jyldyń 20 qyrkúıegine deıin QMDB Aqparat jáne qoǵammen baılanys bóliminiń meńgerýshisi qyzmetin atqardy.
Aǵabek Qonarbaıuly Sydyqov 1986 jyly 6 naýryzda dúnıege kelgen. Bilimi joǵary. Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin (2008), osy fakýltettiń magıstratýrasyn (2010) bitirgen. Bir kitapshanyń («Mashaqat pen marapat»), birneshe zertteý maqalalardyń avtory.
Baspasóz salasyna stýdent kezinen aralasa bastady. Respýblıkalyq «Aıqyn» gazetinde shtattan tys tilshi (2004), respýblıkalyq «Dala men qala» gazetinde shtattyn tys tilshi (2005), respýblıkalyq «Jas qazaq» gazetinde tilshi (2006), osy basylymnyń bólim redaktory (2007), jaýapty hatshysy (2010), «Enerdjı» radıosynda júrgizýshi-redaktor (2011) qyzmetterin atqardy.
2012 jyldan bastap QMDB Baspasóz hatshysy qyzmetin atqaryp keledi.
Qazaqstan Respýblıkasy Aqparat mınıstrliginiń Táýelsizdigimizdiń 20 jyldyǵy qarsańynda jýrnalıster arasynda uıymdastyrǵan respýblıkalyq baıqaýdyń bas júldegeri (2011).
