Dinı basqarmada kadrlyq aýys-túıister boldy (FOTO)
Elordada QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen kezekti Ortalyq Apparat jınalysy ótti.
Jıynda Bas múftı Dinı basqarmada kadrlyq aýys-túıister bolǵanyn málimdedi. QMDB Tóraǵasy Naýryzbaı qajy Taǵanuly buǵan deıin Sharıǵat jáne pátýa bólimi meńgerýshisiniń orynbasary qyzmetin atqarǵan Hasan Amanqulovty Dinı ońaltý bóliminiń meńgerýshisi etip taǵaıyndaǵanyn habarlady.
Sonymen qatar Bas múftı Nurbek Esmaǵanbetti Din isteri jáne taldaý bólimi meńgerýshisi qyzmetinen bosatyp, Aqparat jáne qoǵammen baılanys bólimi meńgerýshisiniń orynbasary etip taǵaıyndaý týraly buıryqqa qol qoıǵanyn málimdedi.
«Hasan Amanqul men Nurbek Esmaǵanbet Dinı basqarma júıesinde birneshe jyldan beri qyzmet etip keledi. Jyldar boıy jınaqtaǵan bilimderińiz ben tájirıbelerińizdi ózderińizge júktelgen salanyń damýyna sarp etesizder dep senemin. Alla Taǵala ıgi isterimiz ben izgi bastamalarymyzǵa jar bolsyn» dedi Naýryzbaı qajy Taǵanuly.
