Dinı basqarmanyń 30 jyldyǵyna arnalǵan onlaın konferentsııa bastaldy (FOTO)

25 qarasha 2020 2801 0
Оqý rejımi

Qazaqstan musylmandary dinı basqarmasynyń qurylǵanyna 30 jyl tolýyna oraı elordada «Beıbitshilik pen rýhanı kelisimdi saqtaýdaǵy dinı ınstıtýttardyń róli» atty halyqaralyq ǵylymı-tájirıbelik onlaın-konferentsııa bastaldy.

Konferentsııa Quran oqýmen jáne Bas múftı Naýryzbaı qajy Taǵanulynyń merekelik quttyqtaýymen ashyldy.

QMDB Tóraǵasy onlaın konferentsııa meımandary - Dinı basqarmany ár jyldary basqarǵan bas múftıler Rátbek qajy Nysanbaıuly, Ábsattar qajy Derbisáli, Erjan qajy Malǵajyuly, Serikbaı qajy Oraz jáne basqa da jıyn qatysýshylaryna alǵys aıtyp, múftııattyń 30 jyl ishinde atqarǵan sharalaryna toqtaldy.

Konferentsııaǵa Túrkııa Din isteri basqarmasynyń tóraǵasy Álı Erbash, Reseı musylmandary dinı basqarmasynyń tóraǵasy, Reseı múftıler keńesiniń tóraǵasy Ravıl Gaınýtdın, Ózbekstan musylmandary dinı basqarmasynyń tóraǵasy Ýsmanhan Alımov, Qyrǵyzstan musylmandary dinı basqarmasynyń tóraǵasy Maksatbek Toktomýshev, Tájikstan Islam ortalyǵynyń tóraǵasy Saıdmýkarram Abdýlkodırzoda, Tatarstan musylmandary dinı basqarmasynyń tóraǵasy Kamıl Samıgýllın, Mońǵolııa musylman uıymdary odaǵynyń tóraǵasy Batyrbek qajy Hadys onlaın qatysýda. Sonymen qatar elimizdiń zııaly qaýym ókilderi men ǵalymdar baıandama jasamaq. Sheteldik meımandar jıynda onlaın quttyqtaý sóz sóıleıdi.

Pіkіrler Kіrý