Dinı basqarmanyń resmı saıtynda 3697 kontent jarııalandy (FOTO)

Qazaqstan musylmandary dinı basqarmasyna qarasty www.muftyat.kz resmı saıtyna 3697 materıal salyndy. Bul týraly elordada ótken QMDB Tóralqa májilisinde Aqparat jáne qoǵammen baılanys bóliminiń meńgerýshisi Aǵabek Qonarbaıuly baıandady.

«Naqtyraq aıtatyn bolsaq, 2601 jańalyq, 175 maqala, 101 suraq-jaýap, 455 foto, 365 vıdeo materıaldar ázirlendi. Jyl basynan beri 24 aptalyq uıymdastyryldy. Aptalyq barysynda 24 maqala, 24 sársenbilik suqbat, 14 vıdeomaterıal, 168 aptalyqqa qatysty kartınkalar ázirlendi. Dinı basqarmanyń áleýmettik jelidegi resmı paraqshalaryna 1711 materıal jarııalandy. (facebook – 597, instagram – 234, Vkontakte – 451, telegram – 429).

Dinı basqarmaǵa qarasty 19 ókildiktiń 22 resmı saıtyna 64 022 materıal salyndy. Naqtyraq aıtatyn bolsaq, 8 184 maqala, 12 345 jańalyq, 21 296 suraq-jaýap, 18 017 onlaın dárister, 4180 vıdeo materıaldar ázirlendi» dedi Aǵabaek Qonarbaıuly. 

Sonymen qatar Bas múftı Naýryzbaı qajy Taǵanulynyń «Jomart juma» bastamasy usynylyp, qoǵam tarapynan qoldaý tapty.

Búginde 19 ókildikke qarasty 854 áleýmettik jeli paraqshasy bar. Jalpy jazylýshylar sany – 8 099 486 oqyrman. Bir jyl kóleminde áleýmettik jelilerge 134 302 kontent jarııalandy.