Dinı oqý-aǵartý baǵyty aıasynda jumystar pysyqtaldy

Astana qalasynyń bas ımamy Erbolat Júsipovtiń basshylyǵymen ótken elorda ımamdarynyń alqaly jıynynda Dinı oqý-aǵartý baǵyty boıynsha atqarylyp jatqan jumystardyń oryndalý barysy jan-jaqty qaraldy.

Jıyn barysynda «Áziret Sultan» meshitiniń naıb ımamy, atalǵan baǵytqa jaýapty maman Mahmud Qasym baıandama jasap, osy salada júzege asyrylyp jatqan jumystarǵa keńinen toqtaldy. Ol dinı kadrlardyń biliktiligin arttyrý, júıeli bilim berý úderisin qalyptastyrý, sondaı-aq jas mamandardy daıarlaý baǵytynda atqarylyp jatqan is-sharalardy atap ótti.

Sonymen qatar, dinı saýattylyqty arttyrý, ımamdardyń kásibı deńgeıin jetildirý jáne bilim berý isinde sapany kúsheıtý máseleleri qozǵaldy. Bul baǵyttaǵy jumystardy odan ári jandandyrý qajettigi de erekshe aıtyldy.

Qala bas ımamy QMDB tarapynan berilgen tapsyrmalardy naqtylap, árbir din qyzmetkerine júktelgen mindetterge úlken jaýapkershilikpen qaraý kerektigin eskertti. Sondaı-aq, dinı bilim berý isinde júıelilik pen sapany basty nazarda ustap, halyqpen tyǵyz baılanys ornatýdyń mańyzdylyǵyn atap ótti.