«E-múftııat» aqparattyq júıesi: alǵashqy onlaın jınalys ótti (FOTO)
Osyǵan deıin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń bastamasymen «E-MÚFTIIaT» aqparattyq júıesi iske qosylatynyn habarlaǵan bolatynbyz. «E-MÚFTIIaT» aqparattyq júıesin ornatý bastamasy aıasynda qajetti kameralar men tehnıkalyq quraldar alynyp, alǵashqy onlaın jınalys ótti.
Bas múftı Naýryzbaı qajy Taǵanulynyń tóraǵalyǵymen ótken keńeıtilgen onlaın Tóralqa májilisinde 34 másele talqylandy. Atap aıtqanda, «Nur Múbárak» ýnıversıteti men medrese-kolledj shákirtterin dinı qyzmetke bólý, onlaın rejımge kóshken saýat ashý kýrstarynyń jumysyn jetildirý, múftııattyń 30 jyldyq mereıtoıy aıasynda eldi-mekenderde 30 kópir salý syndy qaıyrymdylyq sharalardy jalǵastyrý, ımamdardyń bilimin jetildirý maqsatynda onlaın kýrs uıymdastyrý, meshitterge at qoıýdy júıeleý, t.b. máseleler qaraldy.
Aıta ketsek, «E-MÚFTIIaT» aqparattyq júıesi tek onlaın jınalystarmen shektelmeıdi. Atalǵan aqparattyq júıege ımam-moldalardyń bilim deńgeıi, ǵylymı derejesi, ulty, otbasy jaǵdaıy, oblystaǵy meshit sany t.b. málimetter engizilýde.
«Qazir Elektrondy tehnologııanyń damyǵan zamany. Álem Elektrondy júıege kóshý úderisinde. Biz, din qyzmetkerleri bul tendentsııadan qalys qalmaýymyz qajet. «E-MÚFTIIaT» aqparattyq júıesi jumys tıimdiligin arttyrýmen qatar, QMDB Ortalyq apparatynyń kadr qyzmetin ońtaılandyrýǵa oń yqpal etedi», – dep atap ótti QMDB Tóraǵasy Naýryzbaı qajy Taǵanuly.
