Elbasy Oraza aıt merekesimen quttyqtady
QR Tuńǵysh Prezıdenti – Elbasy Nursultan Nazarbaev Qazaq elin Oraza aıt merekesimen quttyqtady. Bul týraly elbasy.kz saıty habarlady.
«Qurmetti otandastar! Sizderdi Oraza aıt meıramymen shyn júrekten quttyqtaımyn! Ulyq mereke árbir shańyraqqa shattyq, jaqsylyq pen molshylyq ákelsin.
Oraza aıt – beıbitshilik pen birlikke úndeıtin ıslamnyń san ǵasyrlyq qasterli dástúrleriniń sımvoly.
Meıirimdilik, rýhanı tazarý, izgi ister jasaý – barlyq ult pen din ókilderine tán qasıet. Qazaqstan halqyn osy qundylyqtar uıystyrady. Sondyqtan da Oraza aıt shyn mánisinde barsha qazaqstandyqtardy biriktiretin mereke bolyp sanalady.
Ózara syılastyq pen kelisimge negizdelgen osy ıgi dástúrlerdi barynsha nyǵaıta berýge shaqyramyn.
Oraza Aıt meıramynda barshańyzǵa zor densaýlyq pen baq-bereke tileımin! Aıt qabyl bolsyn!» delingen quttyqtaýda.
