ELORDA IMAMDARY BAS MEShITTEGI PAIǴAMBAR KÓRMESIN TAMAShALADY (FOTO)

Astana qalasynyń bas ımamy Erbolat Nuryldauly bastaǵan din qyzmetkerleri keshe Respýblıkalyq Bas meshitte Máýlit aıynyń qurmetine oraı Muhammed paıǵambarymyzǵa (Oǵan Allanyń salaýaty men sálemi bolsyn) arnalǵan kórme jumystaryn tamashalady. Qasıetti juma kúni bastalǵan úshkúndik kórme jumystary jamaǵatqa ardaqty Paıǵambarymyz jaıly tolyqtaı aqparat berip, uly ustazdyń ónegeli ómirimen tanysýǵa arnalǵan.

Kórme jumystaryn tamashalaýǵa, sondaı-aq, Astana qalasynyń Din isteri jónindegi basqarma basshysynyń mindetin atqarýshy Baýyrjan Jaqsylyquly, QMDB Pátýa bóliminiń mamany Elbek Tasbolatuly da kelip, saýapty sharaǵa rızashylyqtaryn bildirip qaıtty.

Aıta keteıik, Paıǵambarymyz týraly jan-jaqty qamtylǵan kórme jumystary 19 qazan kúni QMDB Astana qalasy ókildiginiń uıymdastyrýymen ótetin «Izgilik jarshysy Áz Muhammed» atty Máýlit keshinde kórsetiletin bolady.