ELORDA IMAMDARY «DARHAN DALA» JOBASY AIaSYNDA OŃTÚSTIK ÓŃIRGE ZIIaRAT JASADY (FOTO)

Qazaqstan musylmandary dinı basqarmasynyń «Darhan dala» otandyq týrızmdi damytý jobasy aıasynda Astana qalasy ókildiginiń din qyzmetkerleri elimizdiń ońtústik óńirine sapar shegip,  birqatar kıeli oryndardy zııarat etti. Sondaı-aq, Qazaqstan musylmandary dinı basqarmasy jarııalaǵan «Islam jáne izgi qoǵam jyly» aıasynda Shymkent qalasy ókildiginiń qyzmetkerlerimen tájirıbe almasý jumystaryna qatysty.

Shymkent qalasyndaǵy alǵashqy shara da osy baǵytta uıymdastyrylyp, «Ihsan tilde emes – dilde, sózde emes – is-árekette» atty aımaqtyq tájirıbe almasý semınary uıymdastyryldy. Semınar aıasynda Dinı ońaltý, Ihsan ilimi, «Darhan dala» jobasy aıasyndaǵy jumystar esebi saralanyp, ózara tájirıbe almasty. Astana ókildigi atynan arnaıy estelik «Alǵys hat» tabystalyp, Elorda bas ımamy Erbolat Nuryldauly óz rızashylyǵyn bildirdi.

Sapar aıasynda Elorda ımamdary Saıram aýylyndaǵy Ibrahım ata, Qarashash ana bastaǵan  qazaqtyń áýlıe-ánbıeleriniń qabirlerin zııarat etip, arnaıy Quran baǵyshtap qaıtty.

Kıeli óńirdiń tarıhymen de tanysý maqsatynda Túrkistan oblysy, Otyrar aýdanyndaǵy «Otyrartóbe» qalajurtyn aralap, kóne jádigerlerdi tamashalaǵan Astana ımamdary sol jerde azan shaqyryp, namaz oqydy. Budan soń zııarat saparynyń basty nysandary biri – Arystanbab kesenesine zııarat jasalyp, sol jerde ashylǵan kóne kitaphana jumysymen tanysty.

Zııarattyń negizi bolǵan Túrkistan qalasyndaǵy Qoja Ahmet Iassaýı kesenesinde Elorda ımamdary arnaıy Quran hatym jasap, sol jerde jerlengen marqumdardyń rýhyna baǵyshtady. Qala murajaıyn aralap, kóne shahardyń jańa leppen túrlengen tynys-tirshiligimen tanysty. Halyq arasynda din men dástúrimizge saı kıeli oryndardy zııarat etý mádenıetin qalyptastyrý, jurtshylyqqa sharıǵat ádebin saqtaýdy úıretý maqsatynda sapar boıyna nasıhat jumystaryn júrgizip otyrdy.

Sapar sońynda kúsh atasy Qajymuqan Muńaıtpasulynyń qabirine soǵyp, marqumǵa arnaıy duǵa jasaldy.