Elorda ımamdary zırat máselesine baılanysty jumystardy pysyqtady (FOTO)

Qazaqstan musylmandary dinı basqarmasy Nur-sultan qalasy ókildiginiń uıytqy bolýymen elorda mańynda ornalasqan qorym basynda zırat mádenıeti men mazar salý jumystaryn birizdendirý maqsatynda basqosý ótti.

Jıynǵa QMDB-nyń naıb múftıi Ershat Ońǵarov, Nur-sultan qalasynyń Bas ımamy Erbolat Júsipov, «Qamqor-Sharapat» salttyq qyzmet kórsetý ortalyǵynyń dırektory Kamaljan Bekbosynuly jáne elorda meshitteriniń ımamdary qatysty.

Naıb múftı Ershat Ońǵarov elorda ımamdary men din qyzmetkerlerine Bas múftı Naýryzbaı qajy Taǵanulynyń zırat jáne zııarat ádebine qatysty nasıhatyn jetkizip, osyǵan qatysty dinı basqarmanyń aldaǵy jumys josparlaryn baıandap ótti.

Aıta keteıik, jyl basynda Bas múftı bastamasymen marqumdardyń basyna belgi qoıyp, mazar salýdy birizidilikke túsirý maqsatynda «Qamqor-Sharapat» salttyq qyzmet kórsetý ortalyǵy qurylyp, Imamdardyń IV respýblıkalyq onlaın forýmynda «Zırat jáne zııarat mádenıeti» qujaty qabyldanǵan bolatyn. Búginde el meshitteriniń ımamdary atalmysh qujatty jurtshylyqqa nasıhattap, ysyrapshyldyqtan aýlaq bolýǵa úndep júr.

«Qamqor-Sharapat» salttyq qyzmet kórsetý ortalyǵynyń dırektory Kamaljan Turdybaevtyń aıtýynsha, Dinı basqarma usynǵan qulpytastaǵy marqumnyń sýretiniń ornyna QR-kod qosyldy. Iaǵnı kez kelgen smartfon qoldanýshy atalmysh QR-kod arqyly ortalyq saıtyna ótip, marqumnyń ómirderegi jóninde bile alady.

Sýretterdi «FOTOGALEREIa» aıdarynan kóre alasyzdar!