ELORDA IMAMDARYNYŃ ALQALY JIYNY(FOTO)

24 qańtar 2024 1629 0 Оqý rejımi

Elorda ımamdary «Áziret Sultan» meshitinde jyldyń alǵashqy alqaly jıynyn uıymdastyrdy. Jıynda 2024 jylǵa arnalǵan jumys josparyn talqylap, qorytyndy jasady.

Jıynǵa QMDB, naıb múftı Sansyzbaı Qurbanuly jáne QMDB, Din men dástúr bóliminiń meńgerýshisi Nurbek Áýeshanuly qatysty.

Astana qalasynyń bas ımamy Erbolat Nuryldauly jýyrda ótken QMDB-nyń 2024 jylǵa arnalǵan jyldyq jumys josparyna baılanysty Bas múftı Naýryzbaı qajy Taǵanulynyń Baǵdarlyq baıandamasynda bekitken tapsyrmalaryn qala, aýdan ımamdaryna keńinen tanystyryp, naqty tapsyrmalar berdi.

Dinı basqarma bıylǵy jylǵa kóptegen jańa bastamalardy engizgen. Sondaı-aq bıylǵy jyldy QMDB «Islam jáne dástúr qundylyqtary» dep ataýyna baılanysty izgilikti nasıhattap, ıgilik jasaý jolynda dástúrimizge basymdyq beriledi. Sonymen qatar ımamdar ádettegideı bes baǵyt aıasynda jumys atqaratyn bolady. Ol baǵyttar qashan da dinı qyzmet pen qoǵam úshin asa mańyzdy ekeni belgili. Sondyqtan da dástúrli bes baǵyt boıynsha jyl boıy atqarylatyn jumystardy sapaly, tııanaqty jáne josparǵa sáıkes júzege asyrý qajet ekenin eskertti.

Sonymen qatar «Islam jáne dástúr qundylyqtary» jyly aıasyndaǵy QMDB bekitken aıtýly sharalardy uıymdastyrý, QMDB bólim tapsyrmalaryn basty nazarda ustap, ýaqytyly oryndaý tapsyryldy.

Jıyn qortyndysynda 2023 jyly belsendi jumys atqarǵan ımamdar Bas múftı Naýryzbaı qajy Taǵanulynyń alǵys hatymen marapattaldy.