ELORDA IMAMDARYNYŃ BILIMIN JETILDIRÝGE ARNALǴAN SEMINAR ÓTTI

Búgin Astana qalasynyń bas ımamy Nurbek qajy Áýeshanulynyń bastamasymen elorda ımamdarynyń biliktiligin arttyrýǵa arnalǵan semınar ótti.

Jıyn qasıetti Quran aıattaryn oqýmen bastaldy. Bas ımam semınarǵa kelgen QMDB Dinı bilim jáne kadr daıyndaý bóliminiń meńgerýshisi Hasan Tashaıulyna jáne Islam qarjysy sektorynyń meńgerýshisi Nurjan Stambakıevke rızashylyǵyn jetkizip, bul semınardyń óte mańyzdy ekenin aıtyp ótti.

«Búgin Ózderińizge sáti túsip eki birdeı taqyrypta semınar ótkeli jatyr. Óte ózekti, kerekti taqyryptar. Bas múftı Naýryzbaı qajy Taǵanuly hazret qoldap, din qyzmetkerleriniń únemi bilikti, bilimdi bolýyn aıtyp júredi. Osy rette biz de óz tarapymyzdan barynsha qoldaımyz. Bilimimizdi, jattaǵan Quranymyzdy jańartyp júrýge tıispiz. Bilim de zat sekildi. Jańartyp, tazalap turmasa qaraıyp qalady. Sondyqtan osyndaı semınarlar óte mańyzdy» - dedi bas ımam.

Aıta keteıik búgingi semınardyń alǵashqy spıkeri QMDB Dinı bilim jáne kadr daıyndaý bóliminiń meńgerýshisi Hasan Amanqulov fıqh, pátýa berý, dinı jaýapkershilik, ımamnyń tulǵalyq kelbeti týraly aıtyp ótti. Al ekinshi spıker ıslam qarjysy salasynyń mamany Nurjan Stambakıev paıyzsyz nesıe, ıslam bankteriniń jumysy, ósim, sharıǵat talaptaryna saı qaryz berý úkimi týrasynda baıandady.

Semınar barvsynda ımamdar eki taqyryp boıynsha qos spıkerge saýal joldap, naqty jaýabyn aldy. Al biliktilikti arttyrýǵa arnalǵan semınardan soń din qyzmetkerlerine Bas ımamnyń qatysýymen  sertıfıkat tabystaldy.