Elorda meshitterinde «Astana tazalyq» qyzmetkerlerine qaıyrymdylyq jasaldy (FOTO+VIDEO)
Halqymyzdyń ulyq merekesi – Táýelsizdik kúni qurmetine oraı QMDB Nur-Sultan qalasy ókildigi boıynsha ótken aptada «Astana tazalyq» JShS qyzmetkerlerine birqatar qaıyrymdylyq sharalary jasaldy. Qysy-jazy tabıǵattyń qolaısyzdyǵyna qaramastan qulshylyq ordalarynyń syrtqy tazalyǵy men aýladaǵy rettilikke jaýapkershilik arqalaǵan azamattarmen Nur-Sultan qalasynyń Bas ımamy Erbolat Júsipov arnaıy kezdesip, azyq-túlik sómkelerin tabystady.
Aıta keteıik, kúndelikti turmysqa qajetti azyq-túlik ónimderi salynǵan qaıyrymdylyq sómkeleri «Áziret Sultan» meshitiniń aýmaǵyna bekitiligen «Astana tazalyq» ujymynyń 30 qyzmetkerine tabys etildi.
Sondaı-aq, ótken aptada «Ár-Rahman» jáne «Yryskeldi qajy» meshitteri de bul ıgi bastamaǵa ózindik ún qosyp, tazalyqshylarǵa túski as uıymdastyryp bergen bolatyn.
