Elorda meshitteriniń jamaǵaty arasynda «Teńbil dop-2021» saıysy ótti (FOTO)

QMDB Jastar isi sektory josparyna sáıkes Nur-Sultan ókildiginiń Nur Astana meshitiniń uıymdastyrýymen fýtboldan Elorda meshitteriniń jamaǵaty arasynda «Teńbil dop-2021» saıysy ótti.

Saıysqa QMDB-nyń «Muftyat» komandasy, Din problemalaryn zertteý ortalyǵynyń «Sapsan» komandasy jáne Nur-Sultan qalasynyń basqa da meshitteri atynan 12 komanda qatysty. Ashylý saltanatynda sóz sóılegen Nur-Sultan qalasynyń bas ımamy Erbolat Nuryldauly saıysqa qatysýshylarǵa sáttilik tilep, ataýly sharanyń jamaǵatty birlikke, tatýlyqqa shaqyrýdaǵy jáne salaýatty ómir saltyn nasıhattaýdaǵy mańyzdylyǵyna toqtalyp ótti.

Toptyq kezeńnen 4 komanda sýyrylyp shyǵyp, óz aralarynda jartylaı fınal jáne fınaldyq kezdesýlerdi ótkizdi. Nátıjesinde júldeli oryndarǵa: I oryn - «Raısa ana» meshitiniń «Raısa» komandasy; II oryn – «Áziret Sultan» meshitiniń «Sultan» komandasy; III orynǵa – «S.Ǵylmanı» meshitiniń «Qyran» komandasy laıyq dep tanyldy. Sonymen qatar komandalar arasynda «Eń úzdik qaqpashy» men «Eń úzdik oıyn kórsetken shabýylshy» nomınatsııasy boıynsha myqtylar anyqtaldy. Júldeli oryndarǵa ıe bolǵan komandalarǵa arnaıy syılyqtar men dıplom-sertıfıkattar tabystaldy.