Elorda ókildigi respýblıkalyq aktsııa aıasynda 520 túp aǵash otyrǵyzdy (FOTO+VIDEO)

QMDB tóraǵasy, Bas múftı Naýryzbaı qajy Taǵanulynyń bastamasymen búgin elimizdiń barlyq ókildikteri boıynsha birdeı uıymdastyrylǵan irgeli shara bolyp ótti. Qazaqstan musylmandary dinı basqarmasynyń 30 jyldyq mereıtoıyna oraı elimiz boıynsha 30 myń túp aǵash otyrǵyzylyp, saıasy san jyldarǵa jalǵasatyn saýapty is atqaryldy.

Respýblıkalyq aktsııa aıasynda Elorda ókildigi jalpy sany 520 túp aǵash otyrǵyzyp, Bas shahardyń ásemdigi men tazalyǵyna aıtarlyqtaı óz úlesin qosty. Qaladaǵy 12 meshit qyzmetkerleri men erikti jamaǵattyń belsene atsalysýymen aǵashtar qulshylyq ordalarynyń aýlalaryna, aýrýhana men mektep, balabaqsha aýmaqtaryna otyrǵyzylyp, qala kórkine kórik qosa tústi. Saýapty sharaǵa Nur-Sultan qalasy aýdandarynyń ákimdikteri men «Astana Zelenstroı» JShS qyzmetkerleri de qoldaý kórsetip, aǵash otyrǵyzý sharasynan basynan tabyldy.

Sýretter toptamasyn «FOTOGALEREIa» aıdarynan kóre alasyzdar!