ELORDA USTAZDARY JAŃA OQÝ JYLYNA BAILANYSTY JIYN ÓTKIZDI
Astana qalasy Áıel-qyzdar sektorynyń jetekshisi Kúlsara Mamyrqyzynyń basshylyǵymen elorda ustazdarymen jańa oqý jylynyń bastalýyna baılanysty kezekti jıyn ótti.
Jıynda ustazdardyń aldaǵy oqý jylyndaǵy jumystaryn júıeli túrde júrgizý, áıelder arasynda dinı saýattylyqty arttyrý jáne qaıyrymdylyq, aǵartýshylyq baǵyttaǵy jobalardy jandandyrý jóninde birqatar mindetter aıqyndaldy.
Sondaı-aq, dinı-aǵartýshylyq baǵyttaǵy jumystardy júıeleý, jyldyq jospar aıasynda júzege asyrylatyn jobalar men aldaǵy is-sharalar talqylandy.
Turmysy tómen áıelderge qoldaý kórsetýge baǵyttalǵan «Balyq berme, qarmaq ber» jobasyn elorda meshitterinde qolǵa alyp, túrli sheberlik sabaqtaryn ótkizý, kásipke baýlý jáne ózin-ózi jumyspen qamtýyna jaǵdaı jasaý jóninde usynystar aıtyldy.
Jıyn sońynda Astana qalasy Áıel-qyzdar sektorynyń jetekshisi Kúlsara Mamyrqyzy meshitterdegi ustazdarǵa aldaǵy kezeńde atqarylatyn jumystar boıynsha tıisti tapsyrmalar júktep, belgilengen jobalar men is-sharalardy sapaly ári júıeli túrde júzege asyrýdyń mańyzdylyǵyn atap ótti.
