Elordada 100 muqtaj otbasyǵa kómek berildi (FOTO)

Elordadaǵy «Sádýaqas qajy Ǵylmanı» meshitinde Paıǵambarymyz (s.ǵ.s.) dúnıege kelgen Máýlit aıynyń qurmetine oraı keshe qaıyrymdylyq sharasy bolyp ótti. Qasıetti juma kúni osylaısha qaıyrymdylyq sharasymen órnektelip, kópbalaly jáne áleýmettik jaǵdaıy tómen 100 otbasyǵa et úlestirildi.

Atalmysh sharaǵa Nur-Sultan qalasynyń bas ımamy Erbolat Júsipov arnaıy qatysyp, sharaǵa kelýshilerdi Máýlit aıymen quttyqtady. «Sádýaqas qajy Ǵylmanı» meshitiniń bas ımamy Baýyrjan Esmahan da is-sharaǵa qatysýshylardy máýlit aıymen quttyqtaı otyryp, atalǵan ıgi sharaǵa demeýshilik jasaǵan Islambek Saljanovqa meshit ujymy atynan arnaıy alǵysyn bildirdi.

Aıta keteıik, meshit ujymynyń uıytqy bolýymen kásipker Saljanov Islambek Tóleýbaıuly is-sharaǵa demeýshilik jasap, 2 sıyr, 1 jylqy malyn qaıyrymdylyqqa arnaǵan bolatyn.