ELORDADA «ASAR JOLY» AKTsIIaSY BASTALDY

19 shіlde 2022 1214 0
Оqý rejımi

Elordada Aqparat jáne qoǵamdyq damý mınıstrligi, qala ákimdigi men «Asar Ume» qaıyrymdylyq qorynyń uıymdastyrýymen «Asar joly» qaıyrymdylyq aktsııasy bastaldy.

Joba aıasynda muqtaj jandarǵa qoldaý kórsetýmen qatar jas urpaqty ulttyq qundylyqtarǵa baýlý kózdelgen. Osy oraıda uıymdastyrýshylar qalalyq ıppodromdardyń birinde kıiz úı tigip, asyq atyp, quryltaı ótkizdi.

Aktsııa teatrlandyrylǵan qoıylym túrinde bastalsa, oǵan QMDB Tóraǵasynyń orynbasary, naıb múftı Kenjeáli Qońyratbaıuly qatysyp, atalmysh qaıyrymdylyq sharasyna qoldaý bildire kele dástúrli ıslam dinimiz baǵzy zamannan beri asar uǵymymen ushatasqanyn aıtyp, kópshilikke bata berdi.

Qoıylymnyń bir ereksheligi basty rólderdi ártister emes, kásipkerler men ózge de qaıyrymdy azamattar somdap, aktsııa aıasynda áleýmettik az qamtylǵan, kópbalaly otbasylarǵa baspana berip, qoldaý kórsetti.

«Muqtajdarǵa baspana, qıynshylyqta júrgen otbasylarǵa motıvatsııa berip, osy jospar boıynsha 50 shaqty otbasyǵa úı alyp berý kózdelgen. Odan basqa jastardy jumyspen qamtyp, bilimmen, kásippen aınalysýǵa kómekteskimiz keledi. «Jaqsylyq jasaýda jarysaıyq» degen uranmen qor ókileri ózge qalalardaǵy kásipkerler men aýqatty jandardy ıgi iske atsalysýǵa shaqyrady. Osylaısha bir qalanyń qaıyrymdy azamattary basqa qaladaǵy muqtajdarǵa járdemdesedi» deıdi «Asar Ume» qaıyrymdylyq qorynyń prezıdenti Ashat Nurmashev.

Sondaı-aq aktsııaǵa qatysqan QR Premer-mınıstriniń orynbasary Eraly Toǵjanov: «Eń aldymen halyqtyń ál-aýqatyn, turǵyndardyń áleýmettik jaǵdaıyn kóteretin Soǵan baılanysty úlken baǵdarlama qabyldaǵanbyz. Ol baǵdarlamada árbir Qazaqstan azamaty ózin tabýy kerek. Soǵan baılanysty qandaı ıdeıalar bar, qandaı oılar bar, qandaı keıster bar, sonyń bárin men árqashan qoldaýǵa daıynmyn. Elordada bastalǵan «Asar joly» aktsııasy endi ózge óńirlerge jol tartady. 2,5 aıdyń ishinde qaıyrymdy jandar 20 óńirdegi azamattarǵa qoldaý kórsetýdi josparlap otyr. Sońǵy 3 jylda qor 440 otbasyǵa baspana syılady» dep atap ótti.

Pіkіrler Kіrý