ELORDADA «MUSYLMAN ÁIELDIŃ ShARIǴI KIIM ÚLGISI» ATTY SÁN BAIQAÝY ÓTTI (FOTO)

21 qyrkúıek 2022 2887 0 Оqý rejımi

Búgin el astanasynda «Musylman áıeldiń sharıǵı kıim úlgisi» atty sán baıqaýy ótti. QMDB Áıel-qyzdar sektorynyń Astana ókildigi uıymdastyrýǵan sán baıqaýyna Elorda boıynsha 13 kıim dızaıneri qatysyp, óz ónimderin jurtshylyq nazaryna usyndy.

Atap aıtqanda, qatysýshy dızaınerler «Mektep formasy», «Sporttyq forma», «Merekelik kıim» jáne «Kúndelikti kıim» sekildi atalymdar boıynsha túrli kıim úlgilerin usynyp, tiginshilik sheberlikterin pash etti. Kıim úlgileriniń baıqaý talaptaryna saı ekendigin baqylap, úzdigin tańdaý tóreligi «Qazaq analary-Dástúrge jol» jobasynyń negizin qalaýshysy, prodıýser Aınur Júginisova, Ulttyq naqyshtaǵy zamanaýı dızaıner Gúlnara Qasym, QMDB Áıel-qyzdar sektorynyń meńgerýshisi Dınara Nurǵalıevaǵa júkteldi. Baǵalaý jumystary barysynda qazylar alqasy kıimderdiń ulttyq naqyshta órnektelip, dástúr men sharıǵatqa saı tigilgenine basa nazar aýdardy.

Aıtýly sharaǵa Astana qalasynyń bas ımamy Erbolat Júsipov arnaıy qatysyp, quttyqtaýyn lebizin bildirdi. Áıel-qyzdar sektory jumysynyń jyldan-jylǵa jandanyp kele jatqanyn atap ótken Erbolat Nuryldauly búgingi sán baıqaýynyń da musylman jamaǵaty úshin paıdasy orasan ekenin aıyp, qatysýshylarǵa sáttilik tiledi. Sondaı-aq, osy sharaǵa uıytqy bolǵan Astana ókildiginiń Áıel-qyzdar sektorynyń jetekshisi Zarına Shamıdýllaqyzy bastaǵan elordalyq áıel ustazdarǵa óz alǵysyn bildirdi.

Baıqaý qorytyndysy boıynsha júldeli III oryn (100 000 teńge) «Amirdan_kz» brendiniń ıesi Uldana Dáýletbekqyzyna buıyrdy. «Sandu_Tolymbek» brendiniń ıesi Sandýǵash Alımbaevaǵa II oryn berilip, 150 000 teńge syılyqpen marapattaldy. Sán baıqaýynyń I oryn júldesin (200 000 teńge) jas dızaıner Maqpal Ismaılova ıelenip, Respýblıkalyq Sán baıqaýyna joldama berildi.

Sondaı-aq, sán baıqaýyna qatysýshylardyń barlyǵyna arnaıy «Alǵys hat» berilip, estelik-syılyqtar berildi.

Sýretterdi «FOTOGALEREIa» aıdarynan kóre alasyzdar!