ELORDADA «ULT USTAZY AHMET BAITURSYNULY JÁNE ULTTYQ MURAT» ATTY SEMINAR ÓTTI (FOTO)

QMDB Astana qalasy ókildigine qarasty Kóktal meshitinde «Ult ustazy Ahmet Baıtursynuly jáne ulttyq murat» atty ımamdardyń bilimin jetildirý semınary ótti. Ult ustazynyń ónegeli ómiri men murasy ulyqtalǵan semınarǵa Elorda meshitteriniń bas ımamdary men dinı qyzmetkerler qatysty.

Qasıetti Quran aıattarymen ashylǵan semınar jumysyna Astana qalasynyń bas ımamy Erbolat Júsipov sáttilik tilep, Alashtyń aıaýly ulyna duǵa baǵyshtady.

Semınar basynda qatysýshylardyń Ahmet Baıtursynuly jaıyndaǵy bilimderi bir synǵa túsip, qysqasha vıktorınamen bastaldy. Durys jaýabyn tapqandarǵa arnaıy syılyqtar berildi.

Semınar barysynda «Ahmet.Ult ustazy» telehıkaıasynyń kórkemdik keńesshisi, redaktory alashtanýshy Ushqyn Sáıdirahmanuly, Ahmet Baıtursynuly murajaı-úıiniń jetekshisi Momynqulova Altyn Momysqyzy, «Alash» Ekspedıtsııa toby basshysy, Imanúsenov Nurlybek Amandyquly myrzalar arnaıy baıandama jasap, Elorda ımamdaryna tyń maǵlumattar usyndy.

Источник: Aidos