ELORDADA «ZEKET HUB» QAIYRYMDYLYQ ORTALYǴY AShYLDY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń bastamasymen elordada «Zeket HUB» qaıyrymdylyq ortalyǵy ashyldy.
Igi bastamanyń ashylý saltanatyna Bas múftı arnaıy qatysty.
«Jyl basynda din qyzmetkerlerine joldaǵan Baǵdarlyq baıandamamda «Zeket jáne qaıyrymdylyq» korporatıvtik qoryna «Zeket HUB» qaıyrymdylyq ortalyǵyn ashý týraly tapsyrma bergen bolatynmyn. Búgin osy bastama aıasynda júzege asqan ıgi istiń kýási bolyp otyrmyz.
Atalǵan joba muqtaj jandarǵa qaıyrymdylyq kómek kórsetý aıasyn keńeıtýge, sondaı-aq, qoǵamdaǵy beleń alǵan kúrdeli áleýmettik máselelerdi sheshýge baǵyttalǵan. Bul joba Dinı basqarmanyń qaıyrymdylyq baǵyttaǵy is-sharalaryna serpin beredi dep senemin. Alla Taǵala ıgi iske úles qosqan barsha azamatqa mol saýaptan jazsyn» dedi Bas múftı Naýryzbaı qajy Taǵanuly.
Aıta keteıik, «Zeket HUB» qaıyrymdylyq ortalyǵy negizgi 3 baǵytty qamtıdy: muqtaj otbasylardy turaqty túrde azyq-túlikpen qamtamasyz etý. Qajetti azyq-túlik resmı kelissózder júrgizý arqyly iri saýda jelilerinen turaqty túrde tegin alynady.
Turmys jaǵdaıy tómen otbasynan shyqqan jandarǵa naryqtaǵy suranysqa ıe dánekerleýshi, jıhaz qurastyrýshy, jobalaý menedjeri, ónim menedjeri t.b. mamandyqtar boıynsha qysqa merzimdi oqytý kýrstaryn júrgizý. Oqytylǵan arnaıy mamandyqtar boıynsha ári qaraı seriktes kásiporyndardaǵy jumys oryndaryna baǵyttaý arqyly jumyspen qamtý.
Sonymen qatar, Astana qalasy ákimdiginiń «Áleýmettik sala» bólimimen jáne «Jumyspen qamtý ortalyǵy» memlekettik mekemesimen kelissózder júrgizý arqyly áleýmettik jeńildikter jaıly tıisti keńes berý. Rýhanı kúızeliske ushyraǵan jandarǵa arnaıy mamandardy shaqyryp, máseleni sheshýdiń joldaryn túsindirý, depressııada júrgen, psıhologııalyq keńeske muqtaj otbasylardy qoldaý.
