ELShI KEŃESShISINE ILTIPAT BILDIRDI

Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń tapsyrmasymen naıb múftı Ershat Ońǵar Túrkııa elshisiniń dinı ister jónindegi keńesshisi Neshet Bodýrmen kezdesti.

Kezdesýde naıb múftı qyzmettik mindetin aıaqtaǵan Neshet Myrzaǵa rızashylyq nıetin bildirip, iltıpatyn jetkizdi. Sondaı-aq Bas múftı Naýryzbaı qajy Taǵanulynyń ystyq sálemin jetkizip, alǵys haty men syı-sııapatyn tabystady.

«Eldestirmek – elshiden» degendeı, Qazaqstan musylmandary dinı basqarmasy men Túrkııa Respýblıkasynyń Din isteri basqarmasy arasyndaǵy baılanystyń damýyna qosqan zor úlesińiz úshin Sizge erekshe iltıpatymdy bildiremin.
Siz 2021 jyldan bastap Túrkııa Respýblıkasynyń Qazaqstandaǵy elishiliginiń din isteri jónindegi keńesshisi qyzmetin atqarǵan kezeńde Qazaqstan men Túrkııa arasyndaǵy ekijaqty baılanystyń aýqymy odan ary keńeıdi. Atap aıtqanda, Túrki memleketterdiń múftıleriniń alqasynyń qurylýy, «Hasekı» ınstıtýtynda dinı kadrlardyń biliktiligin arttyrý, dinı ádebıetterdi birlesip shyǵarý sekildi kóptegen ıgi ister atqaryldy.
Baýyrlas eki el musylmandarynyń ıgiligi jolyndaǵy qyzmetińizdiń saýaby eki dúnıede de eselenýin tileımin» delingen alǵys hatta.

Aıta keteıik, Dinı basqarmanyń Ortalyq apparatynda ótken kezdesýge bólim basshylary qatysty.

​