Ershat Aǵybaıuly Nartaı Saýdanbekulymen júzdesti (FOTO)

QMDB Tóraǵasynyń orynbasary, naıb múftı Ershat Aǵybaıuly belgili akter Nartaı Saýdanbekulymen kezdesti.

Júzdesýde Nartaı Saýdanbekuly «Halyq arna» telearnasynyń ashylýymen quttyqtap, arna jumysyna tabys tiledi.

«Dinı basqarmanyń tól arnasyna tolaıym tabys tileımin. Arnada balalar men jastarǵa arnalǵan kontenttiń mol bolǵany durys. Óıtkeni balalarǵa arnalǵan baǵdarlamalar olardyń oı-órisiniń qalyptasýyna, ımandylyqty boıyna sińirýine septigin tıgizedi», - dep atap ótti.

Sondaı-aq Nartaı Saýdanbekuly óner salasyndaǵy tájirıbesin bólisip, ımandylyq tárbıege basa mán berý kerektigine toqtaldy.

Óz kezeginde Ershat Aǵybaıuly akterdiń aqjarma tilegin yqylaspen qabyl alyp, QMDB-nyń osy baǵytta atqaryp jatqan jumystaryn tanystyrdy.