Ershat Ońǵar Tatarstan múftıimen kezdesti (FOTO)

QMDB Tóraǵasynyń orynbasary, naıb múftı Ershat qajy Ońǵar Tatarstan múftıi Kamıl Samıgýllınmen Qazan qalasynda kezdesti.

«Russia Halal EXPO» halyqaralyq halal ındýstrııa kórmesi qarsańynda ótken kezdesýge «Halal Damý» dırektory Aıbek Asqarbekuly men QMDB-nyń bas esepshisi Laýra Baıjarasova qatysty.

Ershat qajy Aǵybaıuly Tatarstan múftıimen suhbat barysynda QMDB-nyń pandemııa jaǵdaıynda atqaryp jatqan birqatar ıgi isteri men aýqymdy jobalaryna toqtaldy.

«Bas múftı Naýryzbaı qajy Taǵanulynyń bastamasymen Dinı basqarma jáne oǵan qarasty elimizdegi úsh myńǵa jýyq meshittiń ımamdary, jalpy din qyzmetkerleri onlaın formatta jumys atqarýdyń túrli tetikterin ıgerip úlgerdi. Onlaın dárister men suhbattar, az ýaqyt ishinde «Mýftııat» baspasynan shyǵyp jatqan birneshe kitaptyń shyǵýy, eldegi jaǵdaıǵa baılanysty qolǵa alynǵan qaıyrymdylyq sharalary, jalpy Dinı basqarma uıytqy bolǵan taǵylymdy ister men túrli jobalar júıeli túrde júrgizilýde», – dep atap ótti naıb múftı.

Tatarstan múftıi Kamıl Samıgýllın de qazaqstandyq delegatsııaǵa qurmet kórsetip, halyqaralyq halal ındýstrııa kórmesi baýyrlas eki el arasyndaǵy dinı-rýhanı baılanystyń bekı túsýine septigin tıgizetinine senim bildirdi.

Eske sala keteıik, erteń Tatarstan astanasy Qazan qalasynda 28-29 shilde kúnderi «Russia Halal EXPO» halyqaralyq halal ındýstrııa kórmesi ótedi.