ǴULAMALAR KEŃESINIŃ HHHIH MÁJILISI BASTALDY (FOTO)

Búgin elordada Bas múftı Naýryzbaı qajy Taǵanulynyń tóraǵalyǵymen Dinı basqarma janyndaǵy Ǵulamalar keńesiniń HHHIH májilisi bastaldy.

Jıyndy ashqan QMDB Tóraǵasy: «Allaǵa shúkir, Ǵulamalar keńesiniń jumysy joǵary deńgeıde ótip keledi. Sonyń nátıjesinde birneshe qoǵamǵa paıdaly, ózekti pátýalar jarııalandy. Tıisti kontseptýaldy qujattar qabyldandy. Osy oraıda eńbek etip, atsalysqan barshańyzǵa taǵy da Alla razy bolsyn dep, shynaıy alǵysymdy bildiremin. Munyń barlyǵy sizder men bizderdiń belsendi jumystarymyzdyń arqasynda iske asyp keledi» dedi.

Aıta keteıik, eki kúnge sozylatyn májilis barysynda «lýdomanııa, gemblıng pen ıgromanııanyń úkimi», «ınternet dúken arqyly saýda jasaý úkimi», «aqshanyń qunsyzdanýyna qatysty qaryzdy qaıtarý úkimi», «meshitte ekinshi jamaǵat bolyp namaz oqýdyń úkimi», «Elektrondy quraldar arqyly valıýta aıyrbastaýdyń» pátýasy qaralyp, «Qarılar ortalyǵyn ashý men basqarý erejesi», «Dástúrli ıslam tuǵyrnamasy» qujattarynyń jobasy talqylanady. Sondaı-aq QMDB Ǵulamalar keńesi qabyldaǵan pátýalar jınaǵy – «Pátýa kitabynyń» tórtinshi tomy tanystyrylmaq.