Imam Buharı mazary mańynda úlken meshit salynatyn boldy

Ózbekstannyń Samarqand qalasy mańyndaǵy ımam Buharı memorıaldyq kesheniniń mańynan úlken meshit salynatyn bolmaq. Aıta keteıik, ımam Buharı mazary Samarqand oblysynyń Hartank aýylynda ornalasqan. Aýmaǵynda meshit, ıslam mektebi men kitaphana bar.

Jańa jobanyń aıasynda keshende syıymdylyǵy 25000 (onyń ishinde negizgi zalda 7000, áıelder zalynda 3000 jáne aýlada 15000) adamǵa  arnalǵan 4 munaraly meshit boı kótermek.

Sondaı-aq, salynǵaly jatqan meshittiń ishinde ákimshilik ǵımarat, jer asty galereıasy men máıit jýý bólmesi de qarastyrylǵan. Jańa ǵımarat 2 gektardan astam aýmaqty alady. Qurylys 2022 jyly aıaqtalady dep josparlanýda.

Meshit qurylysyn jergilikti Enter Engineering kompanııasy júrgizetin bolmaq. Kompanııa dırektory Ulyqbek Ýsmanov tarıhı keshendi qalpyna keltirýge qatysý úlken mártebe, sonymen qatar musylman qoǵamy men el aldyndaǵy úlken jaýapkershilik ekenin atap ótti.