Imamdar Astanadaǵy Tuńǵysh Prezıdent kitaphanasymen tanysty
«Qazaqstan musylmandary dinı basqarmasy» respýblıkalyq ıslamı dinı birlestigi «Dinı kadrlardy kásibı qaıta daıarlaý jáne biliktiligin arttyrý respýblıkalyq ortalyǵyndaǵy» dinı kadrlardyń biliktiligin arttyrý kýrsyna kelgen ımamdar keshe Tuńǵysh Prezıdent kitaphanasyna baryp, Elbasynyń balalyq, jastyq shaǵymen tanysyp, otbasyna qatysty maǵlumattar aldy. Qazaqta «úıdiń jaqsylyǵy aǵashynan, jigittiń jaqsylyǵy naǵashydan» deıdi, Elbasynyń naǵashy atasy molda bolǵanyn bireý bilse, bireý bilmeıdi.
Kitaphanadan shyqqan soń, ımamdar Ulttyq mýzeıge jol tartty. Ol jaqta shejireli elimizdiń ǵasyrlar boıǵy tarıhynan syr shertetin ulttyq jádigerlermen tanysty. Osylaısha QMDB-nyń 8 ókildiginen bas qosqan ımamdar Tuńǵysh Prezıdent kúnin atap ótti.
