«IMANI JAZ 2023»: SAÝAT AShÝ KÝRSYNA ARNALǴAN OQÝ QURALY ÁZIRLENDI (FOTO)

Oqýshylardyń jazǵy demalysyna oraı QMDB bastamasy negizinde jyl saıyn elimizdegi meshitterde «Imanı jaz» jazǵy saýat ashý kýrsy uıymdastyrylyp keledi. Bastama aıasynda elordanyń barlyq meshitterinde 8-15 jas aralyǵyndaǵy er jáne qyz balalar bilim nárimen sýsyndap, ýaqyttaryn paıdaly ótkizetin bolady.

Bıyl QMDB Astana qalasy ókildigi saýat ashý kýrsynda ótetin sabaqtardy júıelep, jınaqtaı otyryp, bir oqý quralyn qurastyrdy. Oqý quralynda Quran álippesi, ımandylyq ádepteri, tárbıelik saǵattar men salt-dástúrge qatysty qyzyqty aqparattar qamtylǵan.

Astana meshitteriniń barlyǵynda derlik saýat ashý kýrsy osy oqý quraly boıynsha ótedi. Bıyl «Áziret Sultan» meshiti men Respýblıkalyq Bas meshit 500 balaǵa bir aılyq saýat ashý kýrsyn ótkizse, Ábý Nasyr ál-Farabı meshiti –170 bala, Sádýaqas qajy Ǵylmanı meshiti, Yryskeldi qajy jáne Áljan ana meshitteri – 120 bala, Aqmeshit, Kýnta qajy, Ál-Ǵanı jáne Raısa ana meshitteri – 70 bala,  Tólebaı meshiti – 60 bala, Ál-Fattah jáne Kóktal meshitteri – 50 bala, Ár-Rahman men Ás-Sálám meshiti 30 balany oqytpaq. Búgin «Áziret Sultan» meshitinde arnaıy daıyndalǵan oqý quraldary elorda meshitterine taratylyp berildi.

Bıyl mektepterdegi sońǵy qońyraý 1 maýsymǵa aýysqandyqtan  keıbir meshitterde lagerdiń ashylý saltanaty 3 maýsym kúni bolmaq. Aıta keteıik, "Áziret Sultan" meshitinde jazǵy saýat ashý kýrsyna tirkeý aıaqtaldy. 

Источник: Aidos