«IMANI JAZ-2024» JAZǴY SAÝAT AShÝ KÝRSY BASTALDY (FOTO)

«Áziret Sultan» meshitinde «Imanı jaz-2024» jazǵy saýat ashý kýrsynyń bastalý sharasy ótti. Oǵan QMDB tóraǵasy, Bas múftı Naýryzbaı qajy Taǵanuly arnaıy qatysyp, búldirshinderge sáttilik tilep, batasyn berdi.

Áýeli qasıetti Quran aıattary oqylyp, bata jasalǵan soń, shara tizginin ustaýshy Astana qalasynyń ókili, «Áziret Sultan» meshitiniń bas ımamy Erbolat Júsipov QMDB tóraǵasy, Bas múftı Naýryzbaı qajy Taǵanulyna sóz kezegin usyndy.

Múftı haziret óz sózinde búldirshinder men ata-analarǵa sharıǵı bilim alýdyń mańyzy men erekshelikterin, jazǵy saýat ashý kýrsynyń basymdyq beretin tustaryn aıta kele, eń bastysy balalardyń tártibi men densaýlyǵy jáne qaýipsizdigi ekenin qaperge saldy.

Jıyn barysynda osy jyly alǵash ret qoldanysqa enip jatqan «Imandylyq álippesi» oqýlyǵynyń lenta qııý rásimi ótti. Bas múftı «Múftııat» baspasynan jaryqqa shyqqan «Din men dástúr» negizinde jazylǵan oqýlyqty balalarǵa óz qolymen taratyp berdi.

Jıyn sońynda aqsaqaldar arnaıy bata berdi.

Sýretterdi «FOTOGALEREIa» aıdarynan kóre alasyzdar!