«INABAT» QYZ-KELINShEKTER KLÝBY QARTTAR ÚIINE BARDY (FOTO)

27 aqpan 2024 420 0
Оqý rejımi

«Áziret Sultan» meshitiniń «Inabat» qyz-kelinshekter klýby qaıyrymdylyq baǵyty aıasynda Astanadaǵy «Blagodat NS» qarttar úıine baryp, qamkóńil jandardyń jaı-kúıinen habar aldy.

Aıta ketsek, atalmysh qarttar úıi 3 jyl buryn ǵana qurylǵan. Qazirgi ýaqytta munda 50-den astam qarııa bar. Qaıyrymdylyq ortalyǵy qarttarǵa, onyń ishinde erekshe kútimdi qajet etetin aýyr haldegilerge keshendi kútim júrgizedi.

«Inabat» klýbynyń qyz-kelinshekteri qarttardyń kóńilin tabý maqsatynda termopot, fılvordtar, krossvordtar, boıaıtyn sýretter, túrli-tústi qaryndashtar, aıaqqa arnalǵan massajerlar, árbirine jeke dara tátti syılyqtar úlestirdi. Odan bólek meshittiń áıelder jamaǵaty qaıyrymdylyq úıiniń kitap sóresin ózderiniń alyp barǵan álemdik klassıkalyq ádebı kitaptarymen tolyqtyryp ketti. Qarııalarǵa aq dastarhan jaıylyp, emin-erkin suhbat júrgizildi.

 

Источник: Aidos

Pіkіrler Kіrý