INISTR: QMDB QAJYRLY QYZMET ATQARYP KELEDI (FOTO)

Aqparat jáne qoǵamdyq damý mınıstri Darhan Qydyráli Astana qalasynda «Imam – izgi qoǵam jarshysy» taqyrybynda uıymdastyrylǵan V respýblıkalyq ımamdar forýmyna qatysyp, arnaıy baıandama jasady.

Mınıstr Darhan Qýandyquly múftııat jumysyna joǵary baǵa berip, din qyzmetkerlerine, ımamdarǵa rızashylyǵyn bildirdi.

«Qazaqstan musylmandary dinı basqarmasy – táýelsizdik tusyndaǵy syndarly kezeńde halyqty aýyzbirlikke bastar ımandy isterge uıytqy bolyp, qajyrly qyzmet atqaryp keledi.

Etnosaralyq jáne dinaralyq kelisimniń qazaqstandyq modelin búginde álem elderi moıyndap, Qazaqstannyń osy saladaǵy kemel tájirıbesimen bólisýde. Arqa tósindegi Astana qalasy – dinder men mádenıetter arasyndaǵy ózara túsinistik pen dıalogtyń jahandyq alańyna aınaldy. Osy rette, ımamdarymyz qoǵamdaǵy birlik pen kelisimdi, tatýlyq pen beıbitshilikti nyǵaıtýǵa aıanbaı úles qosyp otyrǵanyn erekshe atap ótkimiz keledi» dedi mınıstr.